Accessibility links

якшәмбе, 4 декабрь 2016, Казан вакыты 17:30

...хатын-кызларныкын да. Согуд Гарәбстанында ханымнар кибетләргә йөрми, хөкүмәтнең бу канунны үзгәртүен таләп итә.

Согуд Гарәбстанында 2006 елда кабул ителгән канун нигезендә хатын-кызларга сәүдә итү, кибетләрдә эшләү тыелган. Чуклы-челтәрле эчке кием, төнге күлмәк, ягъни үзе өчен яисә иренә ошар өчен алган матур әйберләрне хатын-кыз бөтенләй чит ир кеше белән бергә сайлый була түгелме соң?

Хәленнән килгән хатын-кызлар алыш-бирешкә чит илләргә йөри. Күрше илләрдә алар хатын-кыз сатучылар белән иркенләп кирәкле әйберләрен сайлый ала.

Согуд Гарәбстанында хатын-кызлар бу хәлне үзгәртүне сорап хөкүмәткә мөрәҗәгать итте. Хөкүмәт бу мөрәҗәгатьне тикшергән арада эчке кием кибетләре буш тора.

Машина йөртү шартлары кырыс

Согуд Гарәбстанында хатын-кызлар сайлауда катнашмый, спорт белән сирәк шөгыльләнә, машина йөртми.

2008 елның мартында Согуд шурасы хатын-кызларга машина йөртү рөхсәт ителергә мөмкин, дип белдерде.

Хатын-кызлар өчен машина йөртү шартлары:

  • 30-дан яшьрәк булу
  • әтисе яки иреннән рөхсәт алу
  • машина йөрткәндә тыйнак киенү
  • шәһәрдә генә йөрү (читтә янында туганы булуы шарт)
  • шимбә иртәнге 7-дән чәршәмбе кичке 8-гә кадәр генә йөрү
  • янында кесә телефонын йөртү (ярдәм чакырта алыр өчен)

Шушы шартларны бозган хатын-кызның машина йөртү хокукы алына. Машина йөртүче хатын-кызлар эшләре идарәсе төзелергә тиеш иде.

Машина йөртүче хатын-кыз белән сөйләшкән һәркемгә бер айлык төрмә җәзасы билгеләнә ала. Андый хатын-кызларга бәйләнергә маташканнарны 8 айга төрмәгә утыртмакчылар иде.

Әмма хатын-кызларга машина йөртү рөхсәте әле дә юк. Машинаны бай гаиләләрдәге гарәп хатын-кызлары үзләренең йөзләгән чакрымга сузылган шәхси җирләрендә төзелгән юлларда гына яки чит илләрдә йөртә ала.

Машина ширкәтләре гарәп хатын-кызлары өчен эшли башлый


Хакимиятләр хатын-кызларга машина йөртү рөхсәтен бирү турында уйланган арада, машина төзү ширкәтләре гарәп ханымнары өчен машиналар әзерли. Согуд Гарәбстанында эшләгән хатын-кызлар саны арта. Машина алучыларның күбесе – эшләүче хатын-кызлар.

Nissan ханымнар өчен Infiniti әзерли
Япониянең Nissan ширкәте гарәп ханымнары күңеленә Infiniti моделе хуш килер дип өметләнә.

Әлегә бай ханымнар өчен Cadillac машиналары сатыла. Бу машинада хатын-кызлар артта иркенләп утырып машина эчендәге бөтен җиһазларны үзләре идарә итә ала, дилбегәсе генә йөртүчесе кулында кала.


XS
SM
MD
LG