Accessibility links

шимбә, 3 декабрь 2016, Казан вакыты 12:34

Халык авазы: Мәктәпләрдә ата-аналардан акча сорауга ничек карыйсыз?


-Мәктәп фондына акча җыю турында танышларыбыздан, туганнарыбыздан ишеткәнебез бар. Карашым тискәре, чөнки мәктәп, уку-укыту эшләре дәүләт карамагында, шуның өчен ремонтка, әсбапларга финанслар җитәрлек бүленеп бирелергә тиеш.

-Беренче сыйныфка бара торган балаларның ата-аналарыннан ремонтка акча сораганнарын телевидениедән ишеттем. Бик авыр хәл бу. Ата-аналарның күбесенең эшләре юк. Алай булырга тиеш түгел. Мәктәпкә барып буярга ярдәм итәргә була, әмма акча белән түгел.

-Сораган саен 1000-1500 сум бирәбез, кая барыйк, бала бер генә бит. Елга ике тапкыр җыялар. Мәктәпне төзекләндерергә дигән булалар. Акчаларның кая киткәнен белмибез, тикшермибез.

-Ярдәм итү кирәк, әлбәттә, әмма сораган акчалары 5000-7000сумга җитә, алай ярамый бит инде.

-Тискәре карыйм. Үзебез дә укыттык, компьютерлар, музыка үзәкләре алырга җыйдырталар иде. Хәзер, парталар алыштырырга җыялар. Мәктәп минфин карамагында булырга тиеш.

-Сеңлем мәктәптә укый, Без мәктәп хисабына акчаны банк аша кертәбез. Ә кайда тотылганын тикшермибез.

-Укытучыларны ата-аналардан акча җыярга мәктәп директоры мәҗбүр итә. Сакчы өчен дә җыялар. Кайбер директорлар укытучылар, балалар исәбеннән мәктәпне югары дәрәҗәгә күтәрү ниятеннән акча җыйдырта.

-Бу акчалар мәктәп җитәкчеләре кесәсенә керә. Минем карашым тискәре.

-Мин мәктәптә укыйм. Бездән парталарга мең,мең ике йөз сум акча җыйдылар. Бирмәсәң - иске урындыкта утырасың.

-Мондый зур акча җыю, дөрес эш түгел. Менә мин 76-нчы мәктәп каршында яшим. Алар инде шаккатырлык ремонт ясадылар, яхшы тәрәз пәрдәләре элеп куйдылар. Бу бит ресторан түгел. Балаларның уку йорты гади булырга тиеш.

-Ачу кабарта торган эш эшлиләр. Ата-аналардан акча җыю - ул мәсхәрәлек. Бик начар карыйм.

-Без класска телевизор алдык, ремонт ясыйбыз, һәр баладан 2-3 мең сум акча җыябыз, ярарлык, карашым әйбәт.

-Мин тарих укытучысы буларак әйтә алам, мәктәпне төзекләрдерергә, аны җиһазларга районның мәгариф бүлегеннән акча бүлеп бирәләр. Ата-аналардан акча җыю, аларны талау, дип уйлыйм. Мин моңа каршы чыгам.

фикерләрне күрсәт

XS
SM
MD
LG