Accessibility links

якшәмбе, 11 декабрь 2016, Казан вакыты 03:28

Rızai könbatış belän xezmättäşlekkä teläktäşlek belderä


İranda prezidentlıq saylawı yaqınayıp kilgändä, namzätlär üzlären tanıtu çaraların arttıra. Prezidentlıqqa namzät Muhsin Rızai bügen yasagan çığışında prezident Äxmädinicatnı tänqitläp, anı kürgän qatı säyäsät belän ilne upqınga citkerüedä gayepläde.

Rızai mäğlümat çaraları aldında yasagan çığışında, ildäge atom programı mäsäläsendä Äxmädinäcat alıp bargan säyäsätne “macara” dip atadı.

Ul ilneñ tışqı säyäsätendä, macaraçı adımnarnı xuplamawın, şul uq waqıtta passiv dä qalıp bulmayaçağın belderde.

Rızai, AQŞ häm könbatış illärenen İranga ixtiyacı buluına ışana. Häm ul bu uñaydan Tähran milli mänfägatläre öçen bu forsattan faydalanırga tiyeş, digän fikeren bäyan itep, iminlek mäsäläsendä başqa illär belän xezmättäşlek itünen kiräklegenä basım yasadı.

Rizai axırda, saylaw aldı çaraları yaqınayganda Äxmädinicatnın “il buylap aqça tarata başlaun” äytte.

İranda prezident saylawı yünnen 12sendä uzaçaq.

XS
SM
MD
LG