Accessibility links

шимбә, 10 декабрь 2016, Казан вакыты 21:33

Пхеньян атом сынавыннан соң 3 ракета сынаган


Төньяк Корея җир астында уңышлы атом сынавы үткәргәнлеген игълан итте.

Пхеньянның рәсми хәбәр агентлыгы әйтүенчә, сынау илнең үз-үзен саклау мөмкинлекләрен арттыру максатында үткәрелгән.

Шартлау көче Төньяк Кореяның 2006 елгы беренче сынавындагыдан көчлерәк булды диелә.

Русия саклану министрлыгы әйтүенчә, шартлау көче 10-20 килотонна булган. 2006 елда шартлау 1 килотоннадан да кимрәк иде.

Көньяк Кореяның Йонһап хәбәр агентлыгы белдерүенчә, Төньяк Корея бүген шулай ук 3 кыскаара ракета сынавы да үткәргән.

Йонһап бу турыда тәфсиллерәк мәгълумат бирми, хәбәр чыганагын дә әйтми.

Көньяк Корея хәрбиләре күзләү мәнфәгатьләрен истә тотып бу хәбәрләрне раслаудан баш тартуын белдерде.

XS
SM
MD
LG