Accessibility links

пәнҗешәмбе, 8 декабрь 2016, Казан вакыты 17:20

Молдова парламенты тагын президент сайлый алмады


Молдованың хакимияттәге коммунистлар фиркасе парламентта үз намзәтен президент итеп сайлау өчен зарур булган 61 тавышны тагын җыя алмады.

Премьер-министр Зинаида Гречеанины президент итеп сайлау өчен 101 урынлы парламентта 60 коммунист депутатның барысы да тавыш бирде.

Әмма конституция нигезендә президент булу өчен кимендә 61 тавыш җыю зарур. Оппозиция тавыш бирүдә катнашмады.

Конституция нигезендә хәзер президент Владимир Воронин парламентны таратып яңа парламент сайлавы игълан итәргә тиеш.

Коммунист Воронинның өченче мөддәткә сайлану хокукы юк.

XS
SM
MD
LG