Испаниядә шартлау полиция хезмәткәрен үтерде

Испания полициясе белдерүенчә, илнең төньягындагы Билбао шәһәрендә бомбалы машина шартлап бер полиция хезмәткәрен үтергән.

Бомба машина астына беркетелгән булган.

Шартлау өчен җаваплылыкны әлегә берәү дә үз өстенә алмады.

Хакимият бу шартлау өчен баскларның сепаратист ЭТА оешмасын гаепли.

ЭТА һөҗүмнәрендә соңгы берничә дистә елда 800-дән артык кеше һәлак булды.