Accessibility links

Uyğırlar xärbilärnen küp buluına borçılu belderä




5 yüldä Sincan Uyğır töbäge başqalası Öremçedä qabıngan qanlı qarşılıq waqiğalarınnan soñ şähärdä tormış yañadan üz köyenä qayta başlawı xäbär itelä. Läkin citdi xärbi kontrollär däwam itä xalıq isä moña borçılu belderä.

Öremçedä qarşılıq waqıygaları säbäple maşinalar yöreşenä yabılgan uramnar, yañadan açıldı. Läkin çat sayın qorallı gaskärlär kontrolnı däwam itä. Töbäktä nizaq başlaw belän nıgıtılgan xärbi köçlär sanı şul kileş qaldırılğan.
Töbäk turında xäbär yasarga telägän mäğlümat çaralarına çikläwläw däwam itä.

Hawa alanına kergän häm çıqqan xäbärçelärneñ kameraları tikşerelä, töbäk turında töşerelgän foto häm metariallarnıñ isä qulğa alınuı belderelä.

Qanlı waqigalardan soñ şähär kibetläre tulısınça eşli başlasa da, satıp aluçılar sanının şaqtıy kimüe küzätelä. Uyğır satuçılar, şähärdä xärbilär torgan xäldä xalıqnıñ räxät xäräkät itä almawın belderä.

Xan qıtayları bulgan mäxällälärdä dä xalıq köndälek tormışqa kire qaytqan. Läkin kiçläre xärbi kontrol däwam itä.

Yül başında tınıç protest çaralarının polisiä tarafınnan qanlı bastırıluı belän çıqqan qarşılıqta Qıtay räsmiläre 197 keşeneñ hälaq buluın, 1800läp keşeneñ yaralanuın belderde. Läkin waqiğanı yaqınnan küzätkän uyğır aktivistları nizaq waqıtında meñgä yaqın uygırnıñ üterelüen alga sörä.
XS
SM
MD
LG