Accessibility links

Кайнар хәбәр

Polisia Tährandagı protest çaraların bastırdı


Prezident saylawınnan soñ Iranda qabınıp kitkän, läkin ber möddät tınıp qalğan protest çaralarına bügen yañası östälde. Bu xaqta könbatış xabär agentlıqları belderde.

Xäbärlärgä qarağanda polisiä protestçılarnı tiz arada taratqan.

Kiçä Iran oppoziäsen yaqlap dönyanıñ törle illärendä çaralar uzğan ide. Kiçäge çaralarda törle xalıqara keşe xoquqların yaqlağan törkemnär qatnaştı.

Amsterdam, London häm Stokholm kebek Yewropa şähärlärendä oyıştırılgan çarada küp sanda keşe qatnaştı. Stokholmdä genä protest çaralarında 4 meñnnän artıq keşe cıyıldı.

Şulay uq New Yorknıñ şähär mäydanında da 400dän artıq keşeneñ Iran oppozisiäsen yaqlaw uñayınnan protest çarası uzdıruı belderelä.

Qullarında yäşil bayraqlar bolgağan protestçılar, “Yäşäsen demokratia – Iranğa azatlıq!” digän şiğarlär qıçqırdı.

Monnan qala, Törkiä, Mölmö, Berlin, Viana häm Istanbul kebek şähärlärdä dä moña oxşaş protest çaraları uzdırılğan.
XS
SM
MD
LG