Accessibility links

шимбә, 10 декабрь 2016, Казан вакыты 19:45

Törkmänstan Azärbaycannı sudqa birä


Törkmänstan belän Azärbaycan Kaspidäge neft yatmaları mäsäläsendä kileşä almadı. Küptän tügel Törkmänstan wäkilläre Baqıda Azärbaycan räsmiläre belän ike il arasında ozın yıllar däwam itkän qarşılıqnı çişü öçen bergä cıyılğan ide. Älege oçraşu turında mäğlümat çaraları aldında çığış yasağan Törkmänstan Tışqı eşlär ministrı süzçese Toylu Kömäkov, Kaspidäge qayber Neft yatmaları turında ike il arasındağı nizaqnıñ çişelä almawın äytte.

Törkmänstan prezidentı Qorbangulı Bärdimöxämmädov da, “Ğömär häm Ğosman neft yatmalarıñ ber taraflı bularaq qullanırğa telägän Azärbaycan, Särdar yatmalarında üzeneken buluın alğa sörä. Şul säbäble söyläşülärdä ber nindi näticä bulmadı” dip äytte.

Sovet xaritalarında älege neft yatmalarınıñ Törkmänstan çigendä kürsätelüen äytkän prezident Bärdimöxämmädov, bu xaqta bar çaralar qaralğannan soñ bu mäsäläne xalıqara mäxkämägä tapşıralaçağın äytte.

XS
SM
MD
LG