Accessibility links

пәнҗешәмбе, 8 декабрь 2016, Казан вакыты 15:09

Бүген Казанның Киров районы мәхкәмәсендә республика президентының элекке сүзчесе Ирек Мортазинга карата мәхкәмә утырышы дәвам итте. Утырышка шикаять бирүче президент Миңтимер Шәймиев тә килде.

Билгеле булганча, 45 яшьлек Мортазин 3 маддә нигезендә - яла ягу, кешенең шәхси тормышы кагылсызлыгын бозу, кешеләр арасында нәфрәт тудыруда гаепләнә.

“Комсомольская правда” язуынча, беренче булып мәхкәмә бинасы янына Мортазин килгән. Әмма бинага бары тик утырыш башланырга 5 минут калгач кына керткәннән. Анда да үзәк түгел, ә кырыйдагы ишектән.

Президент Миңтимер Шәймиев мәхкәмә бинасы янына вакытында килгән.

Утырыш сәгать 10да башланып киткән. Бүген шаһитлардан - Мортазинның элекке хезмәттәшләреннән сорау алу планлаштырыла. Анда Мортазин элек эшләгән массакүләм мәгълүмат чараларының 70тән артык вәкиле керә.

Президент Миңтимер Шәймиев мәхкәмәдә белдерүенчә, ул Мортазинның “Миңтимер Шәймиев: Татарстанның соңгы президенты” китабына зур игътибар бирмәгән. Ә менә президент үлеме турындагы Мортазинның интернет сәхифәсендә басылган ялган мәгълүмат җәзасыз кала алмый, дигән.

фикерләрне күрсәт

XS
SM
MD
LG