Accessibility links

якшәмбе, 11 декабрь 2016, Казан вакыты 17:02

Netanyahu, Misır prezidentı belän oçraşa


Izrail premyerı Benjamin Netanyahu, bügen Qahirädä Misır prezidentı Xösne Mübäräk belän oçraşa. Ike il arasındagı söyläşülärdä töp tema, Yaqın könçığışta tınıçlıq urnaştıru mäsäläse, Xämas qulga algan Izrail xärbiyeneñ wazgiäte häm Irannın atom tırışlqları mäsäläse tora.

Söyläşülärdä şulay uq Izrailneñ Fälästin cirlärenä cäyelü säyäsäte dä qaralır dip farazlana. AQŞ häm başqa dönya illärneñ qarşı çığıuna qaramastan Izrail Ürden yılgasınıñ könbatış yarında yahüd mäxälläsen arttıru säyäsäten däwam itä.

Izrail matbuğatı, ziarät aldınnan Benjamin Netanyahunıñ, Fälästin başlıgın Tel Aviv belän söyläşülärne başlatuı öçen Möbäräkkä basım yasıyaçagın yazıp çıqqan ide. Izrailneñ Haaretz gazetası isä Izrail-Fälästin söyläşüläreneñ kiläse ay başlıyaçagın yazdı.

XS
SM
MD
LG