Accessibility links

шимбә, 10 декабрь 2016, Казан вакыты 11:56

Иран белән атом сөйләшүләре октябрьдә башлана


Иранны атом програмыннан баш тартырга күндерергә тырышучы 6 ил белән Тәһран арасында сөйләшүләр октябрь башында яңартылачак.

Европа Берлегенең тышкы сәясәт өчен җаваплы өлкән вәкиле Һавиер Солана идарәсе аның 1 октябрьдә Иранның атом сөйләшүләрендәге югары вәкиле Сәит Җәлили белән очрашачагын раслады.

Сөйләшүләрнең кайда үтәчәге әле билгеле түгел.

Солана Иран белән БМО Иминлек Шурасындагы 5 даими вәкил АКШ, Британия, Франция, Русия, Кытай, шулай ук Германия исеменнән сөйләшәчәк.

Кушма Штатлар, әгәр дә Иран сентябрь ахырына кадәр сөйләшүләргә керешмәсә, аңа каршы тагын кырысрак чикләүләр белән янаган иде.

XS
SM
MD
LG