Барселона – Якшәмбедә Испаниянең Каталония төбәгендә бу төбәкнең бәйсезлеге хакында гайре рәсми референдум үтте.
Тавыш бирүдә 167 авыл-шәһәрнең сайлаучылары катнашкан, барлыгы 700 меңләп кеше.
Референдумда “Сез каталон милләтенең Европа Берлеге кысаларында хокукый, бәйсез, демократик, социсал дәүләт булуын телисезме?” дигән сорау куелган.
Беренче нәтиҗәләргә караганда, тавыш биргәннәрнең 95% сорауга уңай җавап биргән. Ләкин катнашу дәрәҗәсе шактый түбән булган, ни бары 30% чамасы.
Тавыш бирү нәтиҗәләре юридик көчкә ия түгел. Оештыручылар, халыкның күпчелеге уңай тавыш бирсә, бу киләчәктә сәяси партияләргә Испаниядән аерылып чыгу мәсьәләсендә рәсми референдум үткәрергә нигез булачак, дигән иде.
Испания премьер-министры Хосе-Луис Сапатеро “референдум Каталонияне көрчеккә илтә” дип кисәткән иде.
“Барселона” футбол клубы президенты Жоан Лапорта Каталония бәйсезлеген хуплап чыкты.
Тавыш бирүдә 167 авыл-шәһәрнең сайлаучылары катнашкан, барлыгы 700 меңләп кеше.
Референдумда “Сез каталон милләтенең Европа Берлеге кысаларында хокукый, бәйсез, демократик, социсал дәүләт булуын телисезме?” дигән сорау куелган.
Беренче нәтиҗәләргә караганда, тавыш биргәннәрнең 95% сорауга уңай җавап биргән. Ләкин катнашу дәрәҗәсе шактый түбән булган, ни бары 30% чамасы.
Тавыш бирү нәтиҗәләре юридик көчкә ия түгел. Оештыручылар, халыкның күпчелеге уңай тавыш бирсә, бу киләчәктә сәяси партияләргә Испаниядән аерылып чыгу мәсьәләсендә рәсми референдум үткәрергә нигез булачак, дигән иде.
Испания премьер-министры Хосе-Луис Сапатеро “референдум Каталонияне көрчеккә илтә” дип кисәткән иде.
“Барселона” футбол клубы президенты Жоан Лапорта Каталония бәйсезлеген хуплап чыкты.