Accessibility links

пәнҗешәмбе, 8 декабрь 2016, Казан вакыты 07:07

Медведев милицияне үзгәртеп коруга кереште


Президент эчке эшләр министры Нургалиев белән

Президент эчке эшләр министры Нургалиев белән

Русия президенты Дмитрий Медведев эчке эшләр министрының ике урынбасарын һәм милициянең тагын 16 югары җитәкчесен вазифаларыннан алды. Министрлык хезмәткәрләренең саны нык киметеләчәк. Президент милиционерларның җаваплылыгын арттырмакчы.

Мәскәүдә министрлык утырышында Медведев шулай ук милиционерларның җаваплылыгын арттырырга кирәклеген дә әйтте.

“Эчке эшләр министрлыгының барлык дәрәҗәдәге хезмәткәрләренең җаваплылыгы арттырылырга тиеш. Аерым алганда мин җинаятьнең министрлык хезмәткәре тарафыннан башкарылуы җинаять җаваплылыгын арттыручы шарт дип карарга тәкъдим иттем”, - диде Медведев.

Президент министр урынбасарлары Николай Овчинников һәм Аркадий Еделовны вазифаларыннан алып алар урынына Сергей Герасимов һәм Сергей Булавинны куйды. Аларның икесе дә элек Медведевның президент идарәсендә эшләде. Герасимов идарәнең конституцион хокуклар, Булавин хокук бүлеген җитәкләде.

Медведев министрлык үзәк идарәсе хезмәткәрләре саны 2 мәртәбә киметелеп 10 меңгә калдырылачагын да игълан итте.

Моннан тыш 2012 ел башына милиция хезмәткәрләре саны 20 процентка киметеләчәк һәм милициягә эшкә алу шартлары үзгәртеләчәк.

Президент әйтүенчә, министрлык киләчәктә кайбер вазифалардан бушатылачак.

Аерым алганда, чит ил кешеләрен илдән чыгарып җибәрү, транспортны техник тикшерү киләчәктә эчке эшләр министрлыгы карамагында булмаячак, айныткычлар сәламәтлек саклау министрлыгына күчереләчәк.

Медведевның хөкүмәткә 1 декабрьгә кадәр эчке эшләр министрлыгы системын камилләштерү турында канун өлгесе әзерләп аны Дәүләт Думасына тапшырырга кушты.

Президент эчке эшләр министры Рәшит Нургалиевка 1 ай эчендә министрлыкта коррупциягә каршы көрәш планын әзерләүне йөкләде.

Соңгы вакытта милиция хезмәткәрләре арасында коррупция һәм канун бозуларның күп булуына халыкның ризасызлыгы артып китте.

Кеше хокукларын яклаучылар милицияне азаплаулар, куркытулар, ялган дәлилләр белән эш итүдә, план тутыру өчен генә гаепсез кешеләрне тоткарлауда гаепли.

Былтыр Мәскәүдә милиция майоры Денис Евсюковның кибеттә кешеләргә утлы коралдан атып йөрүе, 2 кешене үтерүе аеруча зур игътибар җәлеп итте.

фикерләрне күрсәт

XS
SM
MD
LG