Accessibility links

шимбә, 3 декабрь 2016, Казан вакыты 05:34

“Азатлык” радиосының түгәрәк өстәл сөйләшүендә сүз җанисәпкә әзерлек турында барды. Анда катнашкан танылган галим, этносәясәтче Дамир Исхаков Башкортстандагы татар җәмәгатьчелек оешмаларының эшчәнлеген телгә алды. Әмма Рамил Бигнов аның сүзләре белән килешми.

“Азатлык” радиосының узган якшәмбедә үткән түгәрәк өстәл сөйләшүендә сүз җанисәпкә әзерлек турында барды. Анда катнашкан танылган галим, этносәясәтче Дамир Исхаков Башкортстандагы татар җәмәгатьчелек оешмаларының эшчәнлеген дә телгә алган иде. Галим сүзләренчә:

“Башкортстанда бөтен республика күләмендә эшләрлек татар иҗтимагый оешмасы юк. Булганнары легитим түгел. Мәсәлән, Татар конгрессы башкарма комитетының Башкортстанда эшләрлек бүлекчәсе юк. Милли-мәдәни мохтәриятнең дә рәте юк. Ул тернәкләнеп китә алмады”.

Башкортстан татарлары милли-мәдәни мохтәрияте рәисе, Башкортстан татар конгрессы башкарма комитеты рәисе урынбасары Рамил Бигнов бу уңайдан фикерләрен белдерде.

“Дамир әфәнде безнең хәлләрне яхшы белә дип исәпли идек. Ул моңа кадәр безне аңлап, яклап килде. Аның әлеге чыгышы миңа бик гаҗәп. Ул безнең хәлләрне, безнең эшләгән эшләрне яхшы белеп тә, шулай диюен аңлап бетереп булмый. Мин аның сүзләре белән килешмим. Безнең татар оешмалары легитим. Алар Низамнамә һә Русия кануннары буенча эшләп яталар. Аларга бәяне Башкортстан татарлары гына бирә ала. Дамир әфәнденең безгә биргән бәясе дөрес түгел”, диде Рамил Бигнов.

фикерләрне күрсәт

XS
SM
MD
LG