Accessibility links

Кайнар хәбәр

Башҡорттар Ҡоролтайына йыйылған делегаттар 11 секция эшләйәсәк


Улар араһында башҡорт телен, мәҙәниәтен һаҡлау кеүек мәсьәләлрҙән тыш милләтте тергеҙеү йәһәтенән башҡа проблемалар ҙа ҡарала.

Шуларҙың береһе - башҡорт милләте араһында эшҡыуарлыҡты үҫтереү. Сөнки улар әлегә бармаҡ менән һанарлыҡ тигәндәй. Йүнселлек буйынса һүҙ алып барыласаҡ секция етәксеһе Иршат Аҫылғужин башҡорттарҙа эшҡыуарлыҡ рухын уятыу - иң төп бурыстарҙың береһе тине.

Ә билдәле философ, ғалим Фәнил Фәйзуллин Ҡоротайҙа дәүләтселек темаһын күтәреү кәрәк тип иҫәпләй. Мәскәүҙең власть вертикален нығытыуы һөҙөмтәһендә конституциялағы суверенитет төшөнсәһе лә юҡҡа сыҡты.

Былай барһа демократик федерализмдан унитарлыҡҡа оҙаҡламай барып етәсәк Рәсәй, тип белдерҙе философ Фәнил Фәйзуллин.
XS
SM
MD
LG