Accessibility links

пәнҗешәмбе, 8 декабрь 2016, Казан вакыты 14:58

Канун бозып бармак эзләрен алу


Уфадагы “Автоном хәрәкәт” оешмасының 8 әгъзасы тоткарланган. Алар “Бомбалар урынына - азык-төлек” дигән чара уздырган вакытта тоткарланганнар. Бу чара кысасында алар башкаладагы сукбайларга җылы аш һәм азык-төлек тарата.

Аларны Уфаның Совет районы эчке эшләр бүлегенә алып киткәннәр. Фотосурәтләрен төшергәннәр, бармак эзләрен алганнар. Тоткарланучылар арасында балигъ булмаган ике үсмер дә булган, аларның да бармак эзләрен алганнар. Бу канун бозу булып тора, чөнки балигъ булмаганнарның бармак эзләре ата-аналары рөхсәте белән генә алынырга тиеш.

Тоткарланучы бер кызның сәламәтлеге какшаган, ул ярдәм сораган. Аңа “Ашыгыч ярдәм” машинасын бары тик 10 минуттан соң гына чакырганннар. Кеше хокукларын яклаучылар кысылуы белән генә алар милиция кулыннан ычкынганнар.

XS
SM
MD
LG