Accessibility links

якшәмбе, 4 декабрь 2016, Казан вакыты 17:15

15 июнь көнне Оренбурның М. Горький исемендәге драма театрында Юрий Бергның төбәк губернаторы вазыйфасына керешүенә багышланган тантана үтте. Татарстаннан тантанада катнашырга дип, премьер-министр Илдар Халиков белән Бөтендөнья татар конгрессы башкарма комитеты җитәкчесе Ринат Закиров килде.

Тантана алдыннан кунакларны Оренбур татар дәүләт драма театрында чәкчәк белән каршы алдылар.

Театрны карап чыкканнан соң кунаклар татар җәмәгатьчелеге белән очрашты. Сөйләшү барышында җыелучыларның күпчелеге яшьләр булганлыктан, яшьләрне тел, татар балалары бакчасын булдыру мәсьәләләре, Татарстан белән тыгыз элемтә кызыксындырды. Әлеге очрашудан соң, Татарстанның рәсми вәкилләре инаугурация үтәчәк Горький театрына юнәлде.

Яңа губернаторга килгәндә, Юрий Берг 5 елдан артык төбәкнең зурлыгы ягыннан икенче шәһәрен җитәкләп килде. Оренбур төбәге башлыгы вәкаләтләре 15 июньдә тәмамланды. Алексей Чернышёв әлеге вазыйфаны 1999 елдан бирле башкарып килде.


Тантанага килгәндә, анда Дәүләт шурасы депутатлары, төрле дәрәҗәдәге хакимият вәкилләре, кунаклар катнашты.

Иң элек, Русия һәм Оренбур төбәге әләмнәрен, Русия Конституциясен һәм Оренбур төбәге Уставын чыгардылар. Юрий Берг Конституциягә кулын куеп ант итте.

Шунда ук Русия президентының Идел буендагы вәкиле Григорий Рапота Дмитрий Медведевның тәбрикләү хатын җиткерде.

Юрий Берг, үз чиратында, шулай ук Оренбур халкына тугры хезмәтен дәвам итәчәге турында белдерде.

фикерләрне күрсәт

XS
SM
MD
LG