Accessibility links

шимбә, 3 декабрь 2016, Казан вакыты 01:21

Кыргызстан хәрбиләре Оштагы баррикадаларны ала башлады


Кыргызстан хәрби көчләре, илнең көньягында этник низаг сәбәпле башланган бәрелешләрне контрол итү максатында юлларга урнаштырган баррикадаларны ала башлады. 2 меңнән артык кеше һәлак булган бәрелешләрдән соң төбәктәге "гаддәттән тыш" хәл 25 июньгә кадәр дәвам итәчәк.

Вакытлыча урнаштырылган баррикадалар алып ташланганда, төбәктә төннә урамга чыгу тыела.

Оштагы Кыргыз хакимияте, шәһәрдә тормышның үз көченә керүе өчен баррикадаларның тәмам алынуын таләп итә. Шәһәрдәге кайбер урманарда баррикадалар алынып ташлаганнан соң кайбер кибетләрнен эшли башлавы белдерерлә.

Халыкара оешмалар 10 июньдә Көньяк Кыргызстанда башланган этник каршылыклар сәбәпле 300 мең кешенең йортсыз калуын, 100 мең кешенең исә Үзбәкстанга сыенуын белдерә. Вакыйгаларда Кыргзстанның көньягында яшәгән үзбәкләрнең кибетләре таланды, махалләләр яндырылды.

БМО бу фаҗигадән 1 миллион кешенең зыян күрә алачагы турында кисәтеп, халыкара җәмәгатьчелектән ашыгыч ярдәм җибәрүне таләп итә.

Илдә соңгы 20 елдагы иң зур этник низагта рәсми саннарга караганда якынча 2 меңнән артык кеше һәлак булды.

XS
SM
MD
LG