Accessibility links

чәршәмбе, 7 декабрь 2016, Казан вакыты 11:35

Берләшкән оппозиция исемен үзгәртте


Берләшкән оппозиция утырышын уздырып, оешманың исемен үзгәртте. Хәзер ул Башкортстанның берләшкән оппозициясе дип аталмый. Яңа исеме — Башкортстандагы фирка бүлекчәләре һәм җәмәгатьчелек оешмалары берлеге.

Оешма Мортаза Рәхимовтан ягулык тармагын саткан акчаны таптыру өчен идарә төзиячәк. Яңа сайланган президентка Мортаза Рәхимов эшчәнлеге хакында мәгълүмат тапшырылачак, мөрәҗәгать юлланачак.

Башкортстан татар җәмәгатьчелек оешмалары да уртак утырышларында яңа сайланган президентка ярдәм итү юлларын тикшерде. Алар татар проблемалары турында мәгълүмат туплап, Рөстәм Хәмитовка тапшырачак.

Утырышта катнашкан башкорт мәгарифен үстерү оешмасы рәисе Ирек Агишев Мортаза Рәхимов даирәсен республика йортыннан куу кирәклеген күтәрде. Моны татар оешмалары да күтәреп чыкты. Оешма вәкилләре алдагы утырышка тәкъдимнәр белән киләчәк.

фикерләрне күрсәт

XS
SM
MD
LG