Accessibility links

пәнҗешәмбе, 8 декабрь 2016, Казан вакыты 01:17

Русия президенты Кавказдагы "бандитларны" юк итәргә фәрман бирде


Русия президенты Дмитрий Медведев Төньяк Кавказда булган һөҗүмне оештырган кешеләрне "бандит" дип атап, аларны юк итү кирәклеген белдерде.

Медведев: "Без илдәге террорны бетерүне тулы максат итеп күрәбез, башка сайлау мөмкинчелегебез яисә максатыбыз юк. Бу көрәш дәвам итә һәм мондый һөҗүмнәргә катнашкан террорчылар юк ителергә тиеш", диде.

Медведев бу хакта 9 сентябрьдә Владикавказ шәһәренең үзәгендәге бер базарда оештырылган кимендә 17 кешенең үлүе һәм 100ләп кешенең яралануы белән нәтиҗәләнгән шартлаудан соң белдерә.

Федераль иминлек хезмәте әлеге һөҗүмне оештыруда шикләнелгән 3 кешенең кулга алынуын белдерә.

Бомба урнаштырылган машина шартлатылган әлеге террор һөҗүмендә җаваплыкны әлегә үз өстенә алучы булмады.

XS
SM
MD
LG