Accessibility links

җомга, 9 декабрь 2016, Казан вакыты 08:59

Израиль Көнбатыш Ярда төзелешләрне туңдыру турында киңәшләшә


Израиль хөкүмәте Кушма Штатларның Көнбатыш Ярда яңа яһүд тораклары төзелешен өч айга туңдырып тору тәкъдиме турында киңәшләшә.

Фәлестин ягы Израил белән тынычлык сөйләшүләрен дәвам итү өчен анда төзелешлщрне туктату шартын куйган иде.

АКШ тәкъдим иткән туңдыру планы Көнчыгыш Иерусалимга кагылмый. Фәлестиннәр исә Көнчыгыш Иерусалимны да таләп итә.

Фәлестин идарәсе башлыгы Мәхмүт Габбас фәлестиннәр таләп иткән барлык җирләрдә дә төзелешләр туңдырылырга тиеш диде.

Төзелешләрне туңдыру турындагы элекке карарның мөддәте 26 сентябрьдә тәмамланды. Шуннан соң тынычлык сөйләшүләре көрчеккә терәлде.

XS
SM
MD
LG