Accessibility links

шимбә, 10 декабрь 2016, Казан вакыты 21:44

Русия Нобель тынычлык бүләген тапшыруда катнашудан баш тартты


Русия Нобель тынычлык бүләген Кытай диссиденты Лю Сяобога бирүдә катнашмаячагын белдерде.

Норвегиядәге Нобель комитеты хәбәрләренә караганда, алты ил – Русия, Казакъстан, Куба, Марокко, Гыйрак һәм Кытай - тантанада катнашудан баш тарткан. 16 ил чакыруга әле җавап бирмәгән.

Быел тынычлык бүләген тапшыру тантанасы үтмәскә дә мөмкин. Лю Сяобо үзе һәм аның туганнары Ослога килә алмый, диде комитет башлыгы Гейр Лундестад.

Кытайда кеше хокуклары, демократия иреклекләре өчен көрәшүче 54 яшьлек Лю Сяобо үзе төрмәдә, аның хатыны өйдә сак астында.

Бүләкне тапшыру тантанасы 10 декабрьгә билгеләнгән.

Кытай халыкара җәмәгатьчелек арасында диссидентка бүләк бирүдә катнашмаска чакыру кампаниясе алып бара.

XS
SM
MD
LG