Accessibility links

якшәмбе, 4 декабрь 2016, Казан вакыты 01:04

Мортаза Рәхимов “Урал” фондын җитәкләячәк


Башкортстанның элекке һәм хәзерге президентлары аңлашканнар булса кирәк

Башкортстанның элекке һәм хәзерге президентлары аңлашканнар булса кирәк

Хөкүмәт киңәшмәсендә Башкортстан президенты Рөстәм Хәмитов ягулык-энергетика тармагын саткан акчалар мәсьәләсенең чишелүен ирештерде.

Республиканың нефть тармагын саткан акчалар “Инзәр”, “Юрүзән”, “Урал” һәм “Агыйдел” фондларында саклана иде. Хәзер алар бер фондка берләштерелеп, “Урал” хәйрия фонды булдырылачак.

Бу акчалар дүрт банкка бүленеп салынган. Бу хакта Башкортстанның элекке президенты Мортаза Рәхимов ирештерде. Аның сүзләренчә, болар: Уралсиб, ВТБ, Дәүләт саклык банкы һәм Газпромбанкы.

Бу банкларга барлыгы 63 миллиард сум акча салынган. Алардан ел саен 4,5 миллиард сум файда керәчәк. Моңа кадәр аларның проценты 1,5 булса, хәзер ул 6 процент тәшкил итәчәк.

Кергән 4,5 миллиард файданың ел саен 1,5 миллиарды спортка, 2,5е социаль өлкәгә китәчәк. Калган ярты миллиардның язмышы билгеле түгел.

“Урал” хәйрия фонды җитәкчесе итеп Мортаза Рәхимов билгеләнде. Ул бу урында биш ел эшләячәк.

Мортаза Рәхимов кайбер фикерләре белән бүлешеп, үзенең хәйрия фондында җәмәгатьчелек башлангычында эшләвен ирештерде.

Элекке президент Пушкин урамындагы йортыннан “Газпром”нан сатып алган яңа фатирга күчкән. Ул хатынының 95 яшьлек урын өстендә яткан әнисе дә үзләрендә торуын ирештерә.

Мортаза Рәхимов яңа президентның кайбер кадрлар сәясәтенә кагылып: “финанс министры Айрат Гаскәровның, Стәрлетамак башы Хәйдәр Шаһиев һәм Иглин районы хакимияте башы Ришат Исхаковларны вазыйфаларыннан бушатуны хупламасам да, алар урынына көчлерәк кешеләр килгәндер дип өметләнәм”, диде.

фикерләрне күрсәт

XS
SM
MD
LG