Япония Кытайга таба “борыла”

Япония үзенең тышкы эшләрендә салкын сугыш чорында Русиядән килгән куркынычтан саклану сәясәтеннән Кытайның үсешен истә тоткан бер сәясәткә таба борылуын белдерде.

Бүген Япониянең тышкы сәясәте тезислары дөнья күрде. Анда АКШ белән элемтәләрне арттыру, Көньяк Корея һәм Австралия белән иминлек өлкәсендә хезмәттәшлекне үстерү кирәклеге турында әйтелгән.

Әлеге документ Көньяк белән Төньяк Корея арасындагы киеренкелек сүрәтендә дөнья күрде.