Иран чит ил вәкилләрен үзендәге атом корылмаларын карарга чакырa

Иран Русия, Кытай, Европа Берлеге, көнбатыш һәм гарәп илләрен үзенең атом реакторларын карарга чакыра.

Көнбатыш мәгълүмат чаралары хәбәр итүенчә Иранның атом энергия идарәсе башлыгы Гали Ашикар Солтани атом сөйләшүләрендә урын алган тышкы илләрнең рәсми вәкилләренә бу хакта чакыру хаты җибәргән.

Иран һәм БМО иминлек шурасы даими вәкиле илләр арасында бу ай Истанбулда сөйләшүләр булачак.