2010 йылда тотош төрки донъяһы Әхмәтзәки Вәлидиҙең исемен байраҡ итеп күтәрҙе. Арҙаҡлы милләтәшебеҙгә арналған саралар йәмәғәтселектә ҙур ҡыҙыҡһыныу уятты. Был турала "Төрксой" ойошмаһы генераль секретары Дүсән Касеинов йыл йомғаҡтары буйынса киң мәғлүмәт саралары хеҙмәткәрҙәрен бүләкләү тантанаһында белдерҙе.
Бүләкләнеүселәр араһында Зәки Вәлидиҙең тормош һәм ижад юлын өйрәнеүсе Рафиҡ Әхмәтшин да бар. Рафиҡ "Азатлыҡ" радиоһы хәбәрсеһе һорауҙарына яуап бирҙе.
Әхмәтзәки Вәлиди туған йылы тамам, уға февраль уртаһында Башҡортостанда рәсми йомғаҡ яһаласаҡ.