Accessibility links

якшәмбе, 11 декабрь 2016, Казан вакыты 07:17

Уфада ачлык тотучылар саны яртылаш кимеде


Уфада фатир акчаларын алдан түләп алданганнарның ачлык чарасында катнашучылар яртылаш кимеп 25-тән 13-кә калды.

Протест чарасында катнашучыларның бер өлеше сәламәтлекләре начараю сәбәпле ачлыкны туктатырга мәҗбүр булган.

Ачлык тотучылар Башкортстан президенты Рөстәм Хәмитов белән очрашуны таләп итә.

Алданган кешеләр 2005-2006 елда фатир акчаларын алдан түләгән булган. Төзүче ширкәт исә хәзер рәсми рәвештә бөлгән дип танылу эше белән йөри.

Ширкәтне читтән идарә итү өчен шәһәр хакимияте билгеләгән кешеләр исә алданганнарның таләпләрен үтәргә вәгъдә итми.

XS
SM
MD
LG