Accessibility links

чәршәмбе, 7 декабрь 2016, Казан вакыты 21:30

Япониядәге атом станциясендә 3нче реактор сафтан чыкты


Япониядәге “Фукусима-Дайичи” атом электр станциясендә 3нче реакторның да суыту җайланмасы сафтан чыгу нәтиҗәсендә водород шартлады. Элгәре 1нче һәм 2нче реакторлар да шундый ук хәлгә дучар булган иде.

Япония рәсмиләре белдерүенчә, 11 кешегә зыян килгән. Әмма 2нче реакторның тышлыгы зарарланмаган. Әлеге хәбәрне МАГАТЭ белгечләре дә раслады.

Дүшәмбе Мияги вилаятендә 11 март көнне булган шартлау һәм диңгез ташкыны нәтиҗәсендә үлгән 2 меңгә якын кешенең җәсаде табылды.

Үлүчеләрнең саны 10 меңгә җитәр дип фаразлана.

Илнең төньяк һәм көнчыгыш өлеше каты җимерелүләргә дучар булган. 4 диңгез порты тулысынча җимерелгән.

Япония метеорологлары 7 һәм аннан да зуррак магнитудада җир тетрәү кабат булырга мөмкин дип фаразлый.

Япония премьер-министры Наото Кан әлеге хәлне, II дөнья сугышыннан соң булган иң авыр каза, дип белдерде.

XS
SM
MD
LG