Халыкара җинаятьләр мәхкәмәсе: Либия җитәкчеләрен кулга алырга

Халыкара җинаятьләр мәхкәмәсе баш прокуроры Луис Морено-Окампо Либия җитәкчелегеннән өч кешенең кулга алынуын таләп итәчәкләрен белдерде.

Окампо әйтүенчә, ул әлеге үтенечне дүшәмбе көнне мәхкәмә әгъзаларына тапшырачак. Тикшерү, Либия түрәләре илдәге низаг вакытында, ватандашларын канун бозып эзәрлекләүдә һәм үтерүдә катнашкан дип шикләнә. Әлегә шик белдерелгәннәрнең кемнәр икәне әйтелми.

Халыкара җинаятьләр мәхкәмәсе Либия хакимияте эшен февраль ахырында тикшерә башланган иде.