Сүриядә җомга намазыннан соң демонстрацияләр булды

Сүриядә җомга намазыннан соң дистә меңнәрчә кеше Бәшәр Әсадның президентлыктан китүен таләп итеп урамнрага чыкты.

Активистлар хәбәр итүенчә, Сүрия башкаласы Шәм-Шәрифтә иминлек көчләре демонстрантларга ут ачкан һәм яшь газы сипкән. Зыян күрүчеләр һәм үлүчеләр турында әлегә хәбәрләр юк.

Сүриянең берничә шәһәрендә хәрбиләр җомга намазы укыганнар демонстрантларга кушылмасын өчен мәчетләрне чолгап алырга тырышкан.