Мәскәүдә оппозиция Думага сайлауга каршы автойөреш уздырды

Мәскәүдә “Солидарность” хәрәкәте активистлары Дәүләт думасына сайлауда парламентта булмаган оппозицияне катнаштырмауга каршылык белдереп автойөреш оештырды.

Әлеге чараны үткәрүчеләр әйтүенчә, йөрештә егермеләп машина катнашкан, аларга “Мин караклар хакимиятенә тәре куйдым” дип язылган булган.

“Солидарность”нең рәистәше Борис Немцов, ЮХИДИ әлеге чарага каршылык күрсәтмәде, ди.