Accessibility links

җомга, 9 декабрь 2016, Казан вакыты 10:45

Европа Берлеге Русияне Сүрия турында карашын үзгәртергә чакыра


Европа Берлегенең тышкы сәясәт башлыгы Кэтрин Эштон Русияне Сүрия турында карашын үзгәртергә чакырды.

Мексикада сәфәрдә булган Эштон, Сүрия җитәкчелеге илдәге вазгыятьне җитдигә алып, "үзләре теләгән киләчәк төзер өчен илдәге төрле сәяси төркемнәргә берләшү шартлары тудырырга тиеш", диде.

Сүрия хокук яклаучылары хәбәр итүенчә, кичә көч куллануда кимендә 126 кеше һәлак булды. Хөкүмәт көчләре оппозиция җыелган урыннарда һөҗүмнәрне тагын да арттырган. Һомс вилаятенең Әл-Хәлидия шәһәренең бер бистәсендә генә кичә 110 кеше һәлак булды. Димәшк тирәсендә 14 кеше үлде.

XS
SM
MD
LG