29 февраль кичендә Казанның “Уникс” баскетбол такымы Евролига уены кысасында үз кырында Грециянең “Панатинаикос” такымын кабул итте. Төркемнән чыгу өчен хәлиткеч уенда кунаклар җиңде. 63:68. Ләкин бу төркемдә уйнаучы Төркиянең “Фенербахче” такымы Италиянең “Милан” такымына җиңелү сәбәпле “Уникс”, җиңелүенә карамастан, Европаның иң көчле 8 такымы арасына үтә алды. Казан такымының чираттагы көндәше Испаниянең “Барселона” такымы булачак.