Татарстанда 3 яңа сәяси фирка барлыкка килде

Юстиция министрлыгының Татарстан идарәсе хәбәр иткәнчә, республикада яңа 3 фирканең Татарстан бүлекләре теркәлгән.

Алар арасында “Яңа Россия”, “Русия Демократик фиркасе”, “Яшь Россия” фиркасенең җирле бүлекләре бар.

Июнь ахырында Юстиция министрлыгына барлыгы 9 фиркане теркәү турында документлар тапшырылган иде. Хәзер үз чиратын Русия шәһәрләре, "Яшелләр" экологик фиркасе, "Хатын-кызлар өчен" һәм башка сәяси фиркаләр көтә.