Accessibility links

сишәмбе, 6 декабрь 2016, Казан вакыты 15:19

Татарстанда 2013 елгы Универсиадага билетлар сатыла башлады


Агентлыклар хәбәр иткәнчә, бүгеннән билет алырга хокук бирә торган ваучерлар сатыла башлады. Әлеге кәгазьдә мәгълүматлар татарча, русча һәм инглизчә бирелә.

Универсиаданың ачылу тантанасына билетлар 750 сумнан алып 4 мең сумга кадәр торачак. Гадәти ярыш көнендә спорт корылмаларына 50-150 сум түләп кереп булырга тиеш.

Универсиадага билетларны Kassir.ru ширкәте сата. Аларны интернет аша да, электрон хөкүмәт инфоматлары, ширкәтнең кассалары һәм Универсиада ярышлары барган урыннарда да алып булачак.

Бер кулга 4 кенә билет сатыла, арттырып сатуга каршы торыр өчен сатып алучыларның исем һәм фамилияләре теркәлеп барачак, дип хәбәр ителде Казанда үткән матбугат очрашуында.

XS
SM
MD
LG