Accessibility links

шимбә, 10 декабрь 2016, Казан вакыты 08:13

Гарәп Әмирлекләрендә Рамазанда эш көнен кыскартмаган ширкәтләрне җәза көтә


Берләшкән Гарәп Әмирлекләрендә Рамазан аенда эш атнасы 36 сәгатькә кадәр кыскартыла. Хезмәт министрлыгы белдерүенә караганда, моны үз хезмәткәрләренең кайсы динне тотуына карамастан, һәр ширкәт үтәргә тиеш. Бу күрсәтмәне үтәмәгән ширкәтләр акчалата җәзага тартылачак.

Теләгән хезмәткәрләр билгеләнгән вакыттан калып та эшли ала, моның өчен алар акчаны 25% артык алачак, диелгән министрлык күрсәтмәсендә.

Узган ел Дубайда министрлыкка 46 кеше бу канунның бозылуын шикаять иткән булган. Фикер белешүләргә караганда, халыкның 4% гына билгеләнгән вакыттан тыш эштә калган һәм моның өчен тиешле акчаларын алган.

Гарәп дөньясы уразага 21 июльдә керә.

XS
SM
MD
LG