Җәй көннәре татар музыкантлары өчен кызу эш вакыты. Билгеле җырчы һәм музыкант Рамил Әсхәдуллин яшь башкаручылардан алып Салават Фәтхетдинов, Айдар Галимовларга кадәр көйләр яза. Күптән түгел ул "Кызган таба" тапшыруына әңгәмә бирде.
Рамил берничә ел элек Мәскәүдә Останкинода урнашкан студиядә эшләп, рус, чит ил йолдызлары белән күрешеп кайту бәхетенә ирешкән. Бүген ул Казанда татар эстрадасына хезмәт итә. Аны тамашачылар “Мунча ташы” юмор театры аша да яхшы белә. Ул аларның яңа сезонга әзерләнүләрен дә әйтте.
