Accessibility links

шимбә, 3 декабрь 2016, Казан вакыты 07:43

Галим Ленин китапларында экстремизм булуын тикшерүне сорады


Русия фәннәр академиясенең Русия тарихы институтының өлкән фәнни хезмәткәре, академик Владимир Лавров Тикшерү комитеты башлыгы Александр Бастрыкинга Владимир Ленин хезмәтләрендә экстремизм булу-булмауны тикшерүне сорап мөрәҗәгать итте.

"Ленинизм кешеләрне социаль төркемнәргә бүлеп үзара нәфрәт тудыру идеологиясе. Моңа ирешер өчен катгый чараларга баруны күз алдында тоткан идеология", диелгән Лавров хатында.

Лениннан башланган "социаль расачылык һәм геноцид" соңыннан зур җинаятьләргә әйләнде, дигән галим.

Православ чиркәү һәм Русия тарихына багышланган китаплар авторы сүзләренә караганда, дөнья пролетариаты җитәкчесе ачык рәвештә террорны яклаган, террор эшчәнлеген җитәкләгән, концлагерьлар оештырган һәм "кызыл террор" ягъни дәүләт террорын оештырган.

Март аенда Мәскәү патриархатының чиркәү белән җәмгыять мөнәсәбәтләрен багучы бүлеге башлыгы Всеволод Чаплин большевизм идеологиясен алга сөргән авторларның китапларында экстремизм барын-юклыгын тикшерергә чакырган иде.

XS
SM
MD
LG