Дәүләт оешмасына дуңгыз баласын алып кергән НТВ журналистларын полиция тоткарлаган

Волгоградта полиция хезмәткәрләре НТВ телеканалы журналистларын тоткарлаган.

«Максимум» тапшыруы хәбәрчесе һәм операторы төбәктә Африка дуңгызы вабасы турында сюжет төшерергә җыенган һәм төбәкнең ветеринария комитеты бинасында йөгереп йөрүче дуңгыз баласын төшерергә теләгән. Хайванны алар дәүләт оешмасына үзләре белән алып кергән.

Полиция журналистларны вак хулиганлык өчен административ җаваплылыкка тартырга җыена.