Accessibility links

пәнҗешәмбе, 8 декабрь 2016, Казан вакыты 15:02

Журналистика факультеты 50 еллыгын билгели


Үзәктә Васил Гарифуллин укытучылар, яшь буын журналистлар белән

Үзәктә Васил Гарифуллин укытучылар, яшь буын журналистлар белән

Казан Идел буе федераль университетының (элекке КДУ) журналистика факультеты 50 еллыгын билгели.

Факультетның тарихы асылда әле узган гасырның 50-нче еллар азагында ук башлана. Бер төркем галим, журналистлар тырышлыгы белән (алар арасында Хатыйп Госман, Мөхәммәт Гайнуллин, журналистлардан Шәмси Хәммәтов була) КДУның татар филологиясе бүлегендә читтән торып уку мөмкинлеге белән татар журналистикасы белгечлеге ачыла.

1962 елда КДУның тарих-филология факультетында журналистика кафедрасы булдырыла. Аны Казан педагогика институты профессоры Иван Пехтелев җитәкли башлый. 1972 елда кафедра җитәкчесе итеп галим, журналист Флорид Әгъзамов билгеләнә.

1990 елларда журналистика теориясе һәм тәҗрибәсе, шул исәптән татар журналистикасы кафедрасын тәшкил иткән журналистика факультеты ачыла. Флорид Әгъзамов факультетның деканы һәм татар журналистикасы кафедрасы мөдире итеп билгеләнә.

2002 елдан факультетны Васил Гарифуллин җитәкли

2002 елдан факультетны Васил Гарифуллин җитәкли

1999 елдан татар журналистикасы кафедрасын Васил Гарифуллин җитәкли башлый, 2002 елдан ул факультетның деканы вазифасын да башкара.

Журналистика факультетын төрле елларда Татарстан язучылар берлеге рәисе Рәфис Корбан, “Татарстан - Яңа гасыр” телерадиокомпаниясе җитәкчесе Илшат Әминов, журналистлар Миңназыйм Сәфәров, Хөсәен Вәлиәхмәтов, язучылар Айдар Хәлим, Нияз Акмал, Вакыйф Нуриев, Марсель Галиев, Нәбирә Гыйматдинова һәм башка күп билгеле шәхесләр тәмамлый .

​Журналистика факультеты укытучылары арасында язучы Гази Кашшаф, галим Альберт Айнетдинов, чуваш язучысы Константин Петров, галим Илдар Низамов кебек шәхесләр бар.

Бәйрәм уңаеннан октябрь буена төрле чаралар оештырылып килә. Танылган журналистлар белән мастер-класслар, журналистика өлкәсендәге актуаль мәсьәләләр буенча түгәрәк өстәлләр уза.

Факультетның юбилей кичәсе 25 октябрьдә “Уникс” концертлар залында үтәчәк.


фикерләрне күрсәт

XS
SM
MD
LG