Русия җәмәгать пулаты мәктәп укучыларына тәкъдим ителгән әдәбият исемлегеннән канәгать түгел

Русия җәмәгать пулаты әгъзалары һәм мәдәни өлкәдә эшләүче вәкилләр урта мәктәпнең югары сыйныфында һичшиксез укырга тиешле китаплар исемлеген үзгәртүне сорады.

Русия мәгариф министры Дмитрий Ливанов һәм Русия мәгариф академиясе президенты Николай Никондоровка җибәрелгән хатта әлеге әдәбият исемлегенең “профессиональ хата” булуы әйтелә. Алар фикеренчә, Александр Куприн, Николай Лесков кебек классикларның китапларын Людмила Улицкая һәм Виктор Пелевин кебек заманча авторлар китапларына алмаштыру хата булып тора.