Accessibility links

пәнҗешәмбе, 8 декабрь 2016, Казан вакыты 09:12

Рузил Гатин: "Күбрәк китап укырга кирәк"


"Мин җырчы да, алып баручы да, кайсысы уңышлырак чыкканын тамашачы үзе әйтсен", ди "Кызган таба"ның чираттагы кунагы Рузил Гатин. Ул Чаллыдан килеп Казанда "Йолдызлык" фестивалендә гран-при ала һәм вакыт үтү белән аның даими алып баручысына әйләнә.

25 яшьлек Рузил Гатинны бер төркем яшьләр "Яңа гасыр", "Беренче канал" телевидениеләре аша белсә, урта буынга ул Татарстандагы рәсми чараларны алып баручы буларак билгеле. Соңгы елларда ул республика җитәкчелеге булган чараларда еш катнаша.

Рузил Гатин "Калеб" яңа буын җыенында ария башкара

Рузил Гатин "Калеб" яңа буын җыенында ария башкара

Казан дәүләт консерваториясен бетергән егет бала вакыттан җырлап үскән, 2003 елда республика күләм "Йолдызлык" фестивалендә гран-при алган. Татар яшьләре аның "Яңа гасыр" телевидениесендә "Яшьләр тукталышы" тапшыруын алып баруын да яхшы хәтерли. Рузил Казан телевидениесендә генә тукталып калмады, "Беренче канал" проектларында рус артистларына пародия куючы, яшь юмор остасы булып та катнашты.

Рузил үзен оста алып баручы булудан тыш консерватория бетергән яхшы җырчы буларак та күрсәтергә тырыша. 22 майда ул Казанда Камал театрының кече сәхнәсендә композитор Эльмир Низамовның иҗат кичәсенә багышланган "Калеб" яңа буын җыенында арияләр башкарды.

"Йолдызлы" егет "Тавыш" проектында җиңгән кызлар белән дә дус, аеруча Динә Гарипова өчен җан атуын һәм аның "Евровидение"гә барып бишенче урын алган беренче чын татар кызы булуын әйтте.

XS
SM
MD
LG