Accessibility links

шимбә, 10 декабрь 2016, Казан вакыты 08:10

Метшин "Стамбул паркы" исемен төзәтерме?


Казан мэры Илсур Метшин Азатлык хәбәрчесенә 5 июльдә ачылачак парк исемен дөресләп язарга вәгъдә иткәннән соң, парк керешендәге фонтанга урысчалап язылган "Стамбул паркы" язуы 4 июль кичендә алынды.

4 июль көндез Татарстан журналистлары белән ике катлы автобусларны карап йөргән Казан мэры Илсур Метшин 5 июльдә башкаланың Чистай-Әпсәләмов урамнары чатында ачылачак паркның исеменең хаталы язылган булуыннан хәбәрсез булып чыкты. Азатлык хәбәрчесе шәһәр башлыгына бу турыда әйткәч Илсур Метшин, "Минемчә бу бик зур мәсьәлә түгел. Без аны бүген үк хәл итәрбез. Мин әле аңа игътибар итмәдем. Бүген кич белән алыштырырбыз", дип белдерде.

Илсур Метшин әлеге сөйләшүдән соң чыннан да паркның исемен барып караган булып чыкты. Һәрхәлдә кичке сәгать унда парк фонтанына ябыштырылган "Стамбул паркы" язуы алынган иде.

Паркның исеме дөресләп язылырмы, анысы 5 июльдә Истанбул шәһәреннән дә килгән кунаклар катнашында узачак ачылыш тантанасында билгеле булыр.

фикерләрне күрсәт

XS
SM
MD
LG