Accessibility links

якшәмбе, 4 декабрь 2016, Казан вакыты 02:57

Универсиаданың беренче татар чемпионы – Камил Ибраһимов


Камил Ибраһимов җәйге уеннарда алтын медаль яулаган беренче татар спортчысы булды. Ул фехтовка финалында киеренке көрәштә Италия спортчысын җиңде.

7 июльдә Казан ат спорты комплексының ябык манежында Универсиада кысаларында фехтовка ярышы узды. Спортның бу төре дөнья студентлары арасында шактый популяр. Ярышта дистәләгән ил спортчысы бар иде.

Беренчелекнең финалын карарга Татарстан дәүләт киңәшчесе Миңтимер Шәймиев һәм Мәскәү олигархы Алишер Усманов килгән иде. Усманов халыкара фехтовка федерациясен җитәкли.

Финалга шәхси хисап категориясендә ирләр арасында 20 яшьлек Мәскәү егете Камил Ибраһимов чыкты. Ул үзе фехтовка спортчылары нәселеннән. Итальян спортчысы белән кайнар көрәш нәтиҗәсе – Ибраһимов файдасына 15:10.

Шулай итеп Ибраһимов Универсиадада Русия спортчылары арасында алтынчы алтын медаль яулаучы булды. Татар спортчылары арасында исә бу беренче алтын.

Медальне егетнең муенына Миңтимер Шәймиев элде.

фикерләрне күрсәт

XS
SM
MD
LG