Татарстанның халык язучысы, драматург Рабит Батулла "Фидакарь хезмәт өчен" медалена лаек булды. 6 август Казан кирмәнендә бу бүләкне аңа Татарстан президенты Рөстәм Миңнеханов тапшырды. 75 еллыгына Батулла унбер томлыгын бастырган иде. "Хәзер 25 томлык әсәрләремне бастырырга әзерләнәм. Спонсорлар һәм дәүләт ярдәме белән бу олы хезмәтне үлгәнче башкарып чыга алсам яхшы булыр иде”, - ди язучы.