Accessibility links

җомга, 9 декабрь 2016, Казан вакыты 06:52

Таллинда II Европа татар яшьләре форумы башланды


23-25 августта Эстониядә II Европа татар яшьләре форумы уза. Аңа дистәдән артык илдән сиксәнләп вәкил килде. Форумны җирле татар активистлары оештыра. Беренче көнне длегатларны Таллин читендәге Ислам мәдәнияте үзәгенә алып килделәр. Ул элекке сәнәгать бинасында урнашкан. Өч ярым ел элек аны җирле имам Илдар хәзрәт Мөбәрәкшин иганәчеләр табып сатып алган. Хәзер анда мәчет, китапханә, уку-укыту үзәге, ашханә хезмәт күрсәтә. Делегатлар күмәкләшеп җомга намазын укыды. Намазны Эстониядә туып үскән, Согуд Гарәпстанында белем алган яшь имам Рифкать Гәрәев алып барды. Соңыннан кунакларны мәчеттә үк тәмле ризыклар белән сыйладылар. Аннары делегатлар Таллин буенча экскурсиягә юл тотты.

XS
SM
MD
LG