Русия шәһәрләрендә хайваннарны яклау чаралары уза

Бүген Русиянең 46 шәһәрендә хайваннарны яклау чаралары уза. "Эхо Москвы" хәбәр итүенчә, активистлар бу чараны үткәрү урынын Мәскәү хакимияте белән килештерә алмаган. Шуңа күрә, активистлар берничә урында ялгыз пикет үткәрә.

Хайваннарны яклаучылар тиредән тегелгән киемнән баш тартырга чакыра. Алар ел саен җитештерүчеләр миллионлаган хайванны үтерә дип белдерә.