Accessibility links

җомга, 9 декабрь 2016, Казан вакыты 06:53

Танылган рок-җырчы Земфира iTunes-та The Uchpochmak кушаматы астында яңа җыр тәкъдим иткән. Someday дип аталган композиция рус телендә.

Җырның авторы урынына The Uchpochmak (өчпочмак) дип язылган. Бу берничә музыкант кергән проектның исеме. Күрәсең моның белән Уфадага туган Земфира үзенең татар тамырларын искә төшерергә тели.

Сәхифәдә аның үз исеме язылмаган, ләкин Земфираның иҗаты белән таныш кеше шунда ук аның тавышын таный ала. Композициягә танылган Gorillaz төркеме стилендәге рәсем дә беркетелгән (җыр стиль үзенчәлеге белән дә шул төркемне хәтерләтә). Рәсемдә сурәтләнгән өч кешенең берсе Земфира дип аңларга була.


Тиздән iTunes-та проектның тагын ике җыры чыгачак, янәсе бу The Uchpochmak-ның First and Last дип аталган мини-альбомы булачак. Mistress дип аталган икенче җырны Земфира белән бергә мәшһүр АКШ инди-төркеме Brazzaville вокалисты Дэвид Браун башкара. Мини-альбом 19 ноябрьдә чыгачак.

Бу Русиядә татар брендының пиар өчен кулланылуының беренче очрагы түгел. Билайн, Медиамаркт, Пепси кебек зур ширкәтләр үз пиар-компанияләрендә түбәтәй, чәкчәк, сабантуй кебек элементларны актив кулланганнар иде.

Күптән түгел Русиядә киң танылган тагын бер шәхес татар ризыгы белән бәйле тарихка эләкте. Ләкин бу очракта күңелсезенә. Мәшһүр боксчы һәм дәүләт думасы депутаты Николай Валуев Чаллыга килеп журналистлар белән сөйләшкән арада чәкчәкне “чукча” дип атавын белдергән.

фикерләрне күрсәт

XS
SM
MD
LG