Разил Вәлиев: "Азатлык дөрес юлдан барган"

Разил Вәлиев, Татарстан Дәүләт шурасының мәгариф, мәдәният һәм милли мәсьәләләр комитеты рәисе: "Түбән Камада мәктәптә укыганда мине радиоүзәк җитәкчесе итеп куйдылар. 1960нчы еллар иде бу. Кыска дулкыннардан эзли торгач татарча сөйләүче радио таптым. Азатлык булып чыкты. Мәктәптәге өр-яңа радио җиһазлар ярдәмендә төрле концертлар бөтен шәһәргә тапшырыла иде. Бер көнне ялгыш төймәгә басып Азатлык радиосын бөтен шәһәргә яңгыратканмын. Мәктәп директорын да, мине дә куа яздылар. Шул чактан бирле Азатлыктан аерылганым булмады."